ՀՀ ԱՆ. Ստորագրվեց եռակողմ համաձայնագիր

Մոսկվայում ընթացող Արևելյան Եվրոպայում և Կենտրոնական Ասիայում ՄԻԱՎ/ՁԻԱՀ-ի հարցերին նվիրված հինգերորդ համաժողովի ընթացքում Հայաստանի Հանրապետության առողջապահության նախարարության, ՀՀ ԱՆ ՁԻԱՀ-ի կանխարգելման հանրապետական կենտրոնի և «Սպիդ ինֆոսվյազ» հիմնադրամի միջև ստորագրվեց փոխըմբռնման և համագործակցության  եռակողմ համաձայնագիր։

Համաձայնագրի նպատակն Արևելյան Եվրոպայում և Կենտրոնական Ասիայում Ռուսաստանի Դաշնության աջակցության ծրագրի շրջանակներում ՁԻԱՀ-ի կանխարգելման հանրապետական կենտրոնի կողմից միգրանտների շրջանում իրականացվող ՄԻԱՎ վարակի կանխարգելման միջոցառումների հետագա իրականացումն ու արդյունավետ համագործակցության ընդլայնումն է։

Ըստ համաձայնագրի ՀՀ մարզերում համայնքների բնակիչների շրջանում շարժական կլինիկաների միջոցով կշարունակվի ՄԻԱՎ-ի վերաբերյալ հետազոտության և խորհրդատվության տրամադրումը։ Ընդհանուր  բժշկական ծառայությունների փաթեթում կընդգրկվեն  վիրուսային հեպատիտներ Բ, Ց-ի, սիֆիլիսի վերաբերյալ հետազոտությունները, ուլտրաձայնային հետազոտությունները, բժշկական խորհրդատվությունն ու անհրաժեշտության դեպքում՝ ուղեգրումը բժշկական օգնություն և սպասարկում իրականացնող տարբեր կազմակերպություններ հետագա հետազոտման և բուժման նպատակով։

Հարցեր, պատասխաններ, մեկնաբանություններ